Welcome to the Frontpage

ਅੰਮ੍ਰਿਤਸਰ, 10 ਅਗਸਤ (ਹ.ਬ.) : ਸਵਾਈਨ ਫਲੂ ਤੋਂ ਪੀੜ੍ਹਤ ਜੀਐਨਡੀਯੂ ਕਰਮਚਾਰੀ ਮਾਲਤੀ ਦੇਵੀ ਦਾ ਦਿਹਾਂਤ ਹੋ ਗਿਆ ਹੈ। ਮਾਲਤੀ ਦੇਵੀ ਨੇ ਛੇਹਰਟਾ ਸਥਿਤ ਅਰੋੜਾ ਹਸਪਤਾਲ ’ਚ ਬੀਤੀ ਸਵੇਰ ਅੰਤਿਮ ਸਾਹ ਲਈ। ਅੰਮ੍ਰਿਤਸਰ ’ਚ ਸਵਾਈਨ ਫਲੂ ਨਾਲ ਮਰਨ ਵਾਲੀ ਮਾਲਤੀ ਦੇਵੀ ਪਹਿਲੀ ਮਰੀਜ਼ ਹੈ। ਮਾਲਤੀ ਦੇਵੀ ਦੇ ਬੇਟੇ ਸੁਭਾਸ਼ ਨੇ ਦੋਸ਼ ਲਗਾਇਆ ਹੈ ਕਿ ਸਿਵਲ ਹਸਪਤਾਲ ’ਚ ਮੈਡੀਕਲ ਡਾਕਟਰ ਹਰਦੀਪ ਸਿੰਘ ਨੇ ਸਵਾਈਨ ਫਲੂ ਨਾਲ ਪੀੜ੍ਹਤ ਉਸ ਦੀ ਮਾਂ ਨੂੰ ਹਸਪਤਾਲ ’ਚ ਦਾਖ਼ਲ ਨਹੀਂ ਕੀਤਾ ਸੀ। ਦੂਜੇ ਪਾਸੇ ਡਾ. ਹਰਦੀਪ ਸਿੰਘ ਨੇ ਦੱਸਿਆ ਕਿ ਮਾਲਤੀ ਦੇਵੀ ਦਾ ਇਲਾਜ ਅਰੋੜਾ ਹਸਪਤਾਲ ’ਚ ਚੱਲ ਰਿਹਾ ਸੀ। ਉਥੇ ਉਹ ਵੈਂਟੀਲੇਟਰ ’ਤੇ ਸੀ।