ਮੋਗਾ ਨਿਵਾਸੀ ਨਾਇਬ ਸਿੰਘ ਤੂਰ ਦੇ ਕਤਲ ਦੀਆਂ ਪਰਤਾਂ ਖੁੱਲ੍ਹੀਆਂ, ਦੋਸ਼ੀ ਕਾਬੂ
Written by Mehtab Tuesday, 17 August 2010 17:57
ਸਰੀ (ਬ੍ਰਿਟਿਸ਼ ਕੋ¦ਬੀਆ, ਕੈਨੇਡਾ), 17 ਅਗਸਤ (ਹ.ਬ.) : ਬੀਤੇ ਦਿਨੀਂ ਸਰੀ ਵਿਚ ਕਤਲ ਹੋਏ ਪਿੰਡ ਖੋਸਾ ਪਾਂਡੋ ਦੇ ਜੰਮਪਲ਼ ਨਾਇਬ ਸਿੰਘ ਤੂਰ (33) ਦੀ ਮੌਤ ਸਬੰਧੀ ਨਵੀਂ ਪਰਤਾਂ ਖੁੱਲ ਕੇ ਸਾਹਮਣੇ ਆਈਆਂ ਹਨ। ਇਹ ਹੱਤਿਆ ਸ਼ੁੱਕਰਵਾਰ ਸਵੇਰੇ 7 ਵਜੇ 99 ਐਵੇਨਿਊ ਦੇ 12800 ਬਲਾਕ ’ਚ ਸਥਿਤ ਇੱਕ ਮਕਾਨ ਵਿੱਚ ਚਾਕੂ ਮਾਰ ਕੇ ਕੀਤੀ ਗਈ ਸੀ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਕਤਲ ਵਾਲੇ ਦਿਨ ਨਾਇਬ ਸਿੰਘ ਸਰੀ ’ਚ ਦੋਰਾਹਾ ਮੂਲ ਦੇ ਆਪਣੇ ਦੋਸਤ ਇਕਬਾਲ ਸਿੰਘ ਬੈਨੀਪਾਲ ਦੇ ਘਰ ਇਕ ਔਰਤ ਨੂੰ ਨਾਲ ਲੈ ਕੇ ਗਿਆ ਸੀ। ਉਸ ਵੇਲੇ ਦੋਹਾਂ ਨੇ ਸ਼ਰਾਬ ਪੀਤੀ ਹੋਈ ਸੀ। ਇਕਬਾਲ ਨੇ ਨਾਇਬ ਨੂੰ ਉਸ ਔਰਤ ਸਮੇਤ ਆਪਣੇ ਘਰੋਂ ਚਲੇ ਜਾਣ ਲਈ ਕਿਹਾ। ਇਸ ’ਤੇ ਦੋਵਾਂ ਵਿਚਕਾਰ ਮਾਮੂਲੀ ਝਗੜਾ ਹੋ ਗਿਆ। ਦੋਵੇਂ ਗੁੱਥਮ-ਗੁੱਥਾ ਹੋ ਗਏ ਤਾਂ ਇਕਬਾਲ ਨੇ ਖੁਦ ਨੂੰ ਛੁਡਾ ਕੇ ਛੁਰਾ ਕੱਢ ਲਿਆਂਦਾ ਤੇ ਨਾਇਬ ਸਿੰਘ ਉ¤ਤੇ ਵਾਰ ਕਰਨੇ ਸ਼ੁਰੂ ਕਰ ਦਿੱਤੇ। ਛੁਰੇ ਦੇ ਵਾਰ ਨਾ ਸਹਾਰਦੇ ਹੋਏ ਨਾਇਬ ਸਿੰਘ ਮੌਕੇ ’ਤੇ ਹੀ ਦਮ ਤੋੜ ਗਿਆ। ਗੁੱਸੇ ਵਿਚ ਆਏ ਇਕਬਾਲ ਸਿੰਘ ਨੇ ਨਾਇਬ ਨਾਲ ਆਈ ਔਰਤ ’ਤੇ ਵੀ ਹਮਲਾ ਕੀਤਾ ਪਰੰਤੂ ਉਹ ਬਚ ਗਈ। ਘਟਨਾ ਤੋਂ ਅਗਲੇ ਦਿਨ ਸੱਤ ਵਜੇ ਨਾਇਬ ਦੇ ਰਿਸ਼ਤੇਦਾਰਾਂ ਨੂੰ ਉਸ ਦੀ ਮੌਤ ਦੀ ਖ਼ਬਰ ਮਿਲੀ ਤਾਂ ਉਨ੍ਹਾਂ ਪੁਲਿਸ ਨੂੰ ਸੂਚਿਤ ਕੀਤਾ। ਦੋਸ਼ੀ ਇਕਬਾਲ ਸਿੰਘ ਨੂੰ ਸਰੀ ਪੁਲਿਸ ਨੇ ਗਿਰਫ਼ਤਾਰ ਕਰ ਲਿਆ ਹੈ। ਜ਼ਿਕਰਯੋਗ ਹੈ ਕਿ ਨਾਇਬ ਸਿੰਘ (33) ਤੇ ਇਕਬਾਲ (54) ਦੋਵੇਂ ਦੋਸਤ ਸਨ ਅਤੇ ਇਕੱਠੇ ਰਹਿੰਦੇ ਰਹੇ ਹਨ।
ਯਾਦ ਰਹੇ ਕਿ ਭਾਰਤੀ ਪੰਜਾਬ ਦੇ ਜ਼ਿਲ੍ਹਾ ਮੋਗਾ ’ਚ ਪੈਂਦੇ ਪਿੰਡ ਖੋਸਾ ਪਾਂਡੋ ਦੇ ਜੰਮਪਲ਼ ਨਾਇਬ ਸਿੰਘ ਤੂਰ (33) 10 ਕੁ ਸਾਲ ਪਹਿਲਾਂ ਮੋਗਾ ਤੋਂ ਕੈਨੇਡਾ ਆਇਆ ਸੀ। ਇਸ ਵੇਲੇ ਉਹ ਤਲਾਕਸ਼ੁਦਾ ਜੀਵਨ ਬਤੀਤ ਕਰ ਰਿਹਾ ਸੀ। ਉਸ ਦੇ ਪਿਤਾ ਸ. ਜਸਵੰਤ ਸਿੰਘ ਤੂਰ ਇਸ ਵੇਲੇ ਪਿੰਡ ਖੋਸਾ ਪਾਂਡੋ ’ਚ ਹੀ ਰਹਿ ਰਹੇ ਹਨ। ਪੂਰਾ ਪਿੰਡ ਖੋਸਾ ਪਾਂਡੋ ਇਸ ਵੇਲੇ ਸੋਗ ’ਚ ਡੁੱਬਿਆ ਹੋਇਆ ਹੈ। ਇੰਟੈਗਰੇਟਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਦੇ ਕਾਰਪੋਰਲ ਡੇਲ ਕਾਰ ਨੇ ਦੱਸਿਆ ਕਿ ਜਿਸ ਘਰ ਵਿਚੋਂ ਕਤਲ ਹੋਇਆ ਹੈ, ਉਸ ਦੇ ਅੰਦਰੋਂ ਹੀ ਫ਼ੋਨ ਕਰ ਕੇ ਇਹ ਘਟਨਾ ਵਾਪਰੇ ਹੋਣ ਬਾਰੇ ਸੂਚਿਤ ਕੀਤਾ ਗਿਆ। ਜ਼ਖ਼ਮੀ ਮਹਿਲਾ ਨੂੰ ਬ੍ਰਿਟਿਸ਼ ਕੋ¦ਬੀਆ ਐਂਬੂਲੈਂਸ ਸਰਵਿਸ ਦੇ ਮੁਲਾਜ਼ਮ ਇਲਾਕੇ ਦੇ ਟਰੌਮਾ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ ਹੈ, ਜਿਥੇ ਉਸ ਦਾ ਇਲਾਜ ਚੱਲ ਰਿਹਾ ਹੈ।
ਗੁਆਂਢੀਆਂ ਦੇ ਦੱਸਣ ਮੁਤਾਬਕ ਇਸ ਘਰ ਵਿੱਚੋਂ ਗ੍ਰਿਫ਼ਤਾਰ ਕੀਤਾ ਗਿਆ 53 ਸਾਲਾ ਵਿਅਕਤੀ ਪਿਛਲੇ 8 ਕੁ ਸਾਲਾਂ ਤੋਂ ਰਹਿੰਦਾ ਆ ਰਿਹਾ ਹੈ। ਉਸ ਦੇ ਦੋ ਪੁੱਤਰ ਹਨ ਪਰ ਇਸ ਬਾਰੇ ਹਾਲ਼ੇ ਪੱਕਾ ਨਹੀਂ ਹੈ ਕਿ ਉਹ ਇਸ ਵੇਲੇ ਇਸੇ ਘਰ ਵਿੱਚ ਰਹਿੰਦੇ ਹਨ ਜਾਂ ਨਹੀਂ। ਇੱਕ ਬਜ਼ੁਰਗ ਮਹਿਲਾ, ਜੋ ਉਸ ਦੀ ਮਾਂ ਜਾਪਦੀ ਹੈ, ਵੀ ਉਸੇ ਘਰ ਵਿੱਚ ਰਹਿੰਦੀ ਰਹੀ ਹੈ ਪਰ ਉਹ ਤਕਰੀਬਨ ਇੱਕ ਮਹੀਨਾ ਪਹਿਲਾਂ ਇਥੋਂ ਚਲੀ ਗਈ ਸੀ। ਇਹ ਸ਼ੱਕੀ ਵਿਅਕਤੀ ਸ਼ਰਾਬ ਪੀ ਕੇ ਅਕਸਰ ਸੜਕ ਉਤੋਂ ¦ਘਣ ਵਾਲ਼ਿਆਂ ’ਤੇ ਤਰ੍ਹਾਂ-ਤਰ੍ਹਾਂ ਦੀਆਂ ਟਿੱਪਣੀਆਂ ਵੀ ਕਰਦਾ ਰਿਹਾ ਹੈ। ਇੱਕ ਗੁਆਂਢਣ ਨੇ ਆਪਣਾ ਨਾਂਅ ਗੁਪਤ ਰੱਖੇ ਜਾਣ ਦੀ ਸ਼ਰਤ ’ਤੇ ਦੱਸਿਆ ਕਿ ਪੁਲਿਸ ਪਹਿਲਾਂ ਵੀ ਇਸ ਘਰ ਵਿੱਚ ਆਉਂਦੀ ਰਹੀ ਹੈ ਅਤੇ ਤਦ ਬੰਦੂਕਾਂ ਆਦਿ ਦਾ ਕੋਈ ਮਸਲਾ ਸੀ।
